Dicho de Caurs davant l’Assemblado dis Elegits Ouccitans de l’ACEOC (Assouciacioun dis Elegits Ouccitans  souto la Presidencio de Rougier Lassaque, Consol de Sant Martin lou Redound)

 

 

 

            L’existencio de la lengo ouccitano que nous acampo es lou signe, lou critèri o lou simbèu d’uno nacioun especifico. Es pas qu’avem inventat aquelo ideio per lou besounh de nosto causo. Noun. Simplament vesem que dins lou mounde de uei, e mai que mai en Europo soun lis lengos que soun lou fiu menaire de l’Istorio. Poudetz prène toutis lis Estats vesins de l’Estat francès e veiretz que la questioun dis lengos meiralos es essencialo. En Grando-Bretanho, en Belgico, en Espanho, en Italié, en Suisso .

 

            Memo se la nostro lengo es pus gaire parlado, nosto nacioun amé toutis sis diferencios istouricos, geougraficos, ecounoumicos e soun biais de viure, demoro.

 

            Ço que disem es qu’aquelo nacioun ouccitano es uno coulounié de la Franço per uno majo part , d’Italié e d’Espanho per uno part mai pichoto per lis Vaus Occitanos Aupinos e per la Vau d’Aran.

 

             Aquelo  nacioun sens Estat d’Europo dèu counquistar soun independencio coumuno per coumuno, vilo per vilo, regioun per regioun. Per independencio fau entendre noun pas l’autarcié o lou replegament sus la nacioun, mai uno largo autounoumié dins l’encastre euroupenc.

 

            Disem tamben que lou prougrès souciau e ecounoumique dou pople ouccitan depend d’aquelo autounoumié e noun pas dis besounhs de Paris, de Roumo o de Madrid.

 

           

 

            Ço qu’esperam de nostis elegits pòu s’articular en tres nivèus :

 

1. Un nivèu culturau amé l’ouficialisacioun de la lengo ouccitano dins cado coumuno, cado despartament, e dins cado regioun.

 

2.Un nivèu ecounoumique : amé l’ourganisacioun dou develoupament e la moudernisacioun dis mejans d’escambis . Per aquò, lis ligasouns Est Ouest soun primourdialos.

 

3. Un nivèu instituciounau : nosto independencio se fara pauc a cha pauc per devoulucioun de pouders de l’Estat vers lis regiouns.

 

            Dins l’encabestrament dis pouders, i a lis pouders que baisson  ( soun aquelis dis coumunos, dis despartaments e de l’Estat) e i a de pouders que pújon ( lis intercoumunalitats, lis regiouns e l’Europo. Es sus aquelis 3 darriers pouders que se vai bastir noste avenidour.

 

 

            Lou Partit de la Nacioun Ouccitano es encaro un pichot partit de quauquis centenats de militants, mai soun influencio vai creissent.

 

            Venem de prougressar en Val d’Aran amé lou nouvèu Estatut de Catalounho, en Italié ounte uno lèi d’Estat ven de recounèisse la lengo ouccitano. Prougressam a Nissa amé la Liga per li Libertats Nissardas d’Alan Roullier. Prougressam en Lengadoc Rousselhoun anam prougressar dins lis autris regiouns se lou vouletz.

 

             L’ideio d’independencio fai camin.

 

Per lou PNO, lou 14 d’outobre 2006.