Perqué votar « ÒC » al Tractat constitucional europèu ?

 

 

Per trabalhar cotria de l’Atlantica a l’Oral e de l’Arctic a Malta, viure nòstra cultura de laicitat, de democracia faça a l’egemonisme estatsunitan, als pòles del pròche orient, de China e d’India. Far l’union dels pòples europèus per èsser mai fòrts e ligats.

Per començar de trabalhar sus d’un sòcol comun quita de retrabalhar lo contengut a travers del temps. Es un tractat sus lo qual an operat 25 estats per si méter d’acòrd.

Perqué degun i trobarà lo sio còmpte total, los liberals trobant lo tractat tròup social e los socialistas trobant lo tractat tròup liberal, los sobeiranistas lo trobant tròup anti-nacional e los independentistas lo trobant tròup nacional.

Veem aparéisher doas tendenças : los liberals e socials-democrates pro europèus, los conservators e sobeiranistas francistas còntra Euròpa. De linhas copan totes los partits per entreveire la vera natura dels reaccionaris blocaires e dels progressistas duberts.

Las mesmas linhas que son còntra las avançaas en favor de las nacions dominaas de França que siguen Occitània o Polinesia...

Perqué lo gabarit dels estats actuals, lors competenças e poders son plus en adequacion ab’al monde.

 

Perqué la nacion dels Païsses d’Òc a tròup patit de las divisions creaas per los interesses divergents d’estats fondats sus las guerras ab’als estats vesins e lor imperialisme colonial. Lo grandor de França impòrta pauc, es un cadre de vita correcte dels estatjants que còmpta. Occitània existirà un pauc de mai quora los occitans dels actuals estats reconoishuts França, Itàlia, Espanha, sensa comptar los diasporics occitans d’Euròpa, podràn viure ensem abé de mesmes dreches e far saltar las frontieras mentalas qu’existen ancara.

Per arrestar la vergonhosa fieressa dels estats chauvinistas. Perqué la plaça de l’estat francés e d’èsser un membre coma un autre dels estats del monde.

Lo mesclum dels debats internes e europeus permet de mielhs renfortir lo paradòxa francés. Esser un estat francés fòrt e aver de problemas internes que França podrà jamai despassar soleta sensa Euròpa dins una economia mondialisaa. Esser en Euròpa mas non far de concessions. Esser un de 25 estats mas comptar mai que los autres. En soma aver lo burre, l’argent del burre e la cremaria…

 

 

Illustracion de la situacion particulara del debat europèu en l'Estat francés ? Entra fin d'emperi e paurs

 

REVEST L. (en gavòt), Nissa 23/05/2005

Membre del Partit de la Nacion Occitana