Eth collectiu Lengua Viua organize un an mes era corsa "Aran per sa Lengua" qu’a coma objectiu espandir er us sociau der aranés. Enguan artenh era sua XIIau edicion qu’aurà lòc eth dimenge dia 31 de junhsèga.

Era Corsa compdarà tamb:

- Gessudes a pè de Montgarri – Tredòs – Pòrt de Vielha – Les
- Gessuda en tot córrer de Montgarri, e en bicicleta de Mauleon.
- Arribada entàs 20:15 ores ena plaça dera Glèisa de Vielha
- Parlament deth Collectiu
- Autrejament deth prèmi Lengua Viua (creat entà premiar persones, collectius o institucions que subergessen peth sòn prètzhèt en pro der aranés, occitan dera Val d’Aran)
- Concèrt deth grop occitan NADAU.

Es participaires pòrten bandères pròpries deth parçan, pèces de husta que representen es sies terçons (antica division administrativa dera Val) tamb es quaus se bastís ua mapa deth territòri e ua clau (tanben de husta) coma simbèu deth bordon deth poèta occitan Frederic Mistrau (Prèmi Nobel de Literatura 1905): "... qui ten era clau, ten era lenga ...".

Eth collectiu Lengua Viua prepausèc dejà hè dus ans eth bastiment d’un monument ara lengua e cultura d’Aran. Aguest, òbra de André Ricard serà lheuat en pèira tamb ua nautada de sies mètres.

Enguan, excepcionaument, pr’amor deth moment istoric que viuem devant deth redactat deth nau Estatut de Catalonha, a demana des fòrces politiques representades en Conselh Generau d’Aran, i aurà ua amassada entàs 20 ores en tot coincidir tamb era arribada des participants ena corsa.

Contact :

Elisa Escala
Presidenta Collectiu Lengua Viva

Tel: 973 64 24 34
Fax: 973 64 14 89