ASSOCIACION OCCITANA DE FOTBÒL

Non es fin finala lo Tibet qu’Occitània afrontarà lo 3 de setembre que ven a l’estadi Clement Ader de Muret mai Chechenia. De fach, lo 11 tibetan foguèt obligat par manca de preparacion de reportar sa virada 2005 de qualques setmanas. Pus lèu que de prene lo risc de fixar a pus tard un ipotetic rescontre contre (a l’ora d’ara pas degun es capable costat tibetan de donar un jorn d’arribada en Euròpa), los responsables de l’Associacion Occitana de Fotbòl an decidit de manténer la data e lo luòc de sa sortida internacionala venenta. Es donc l’equipa de Chechenia en exilh que farà lo desplaçament sus la ribas de Garona. L’engajament serà donat a 7o30.

Presentacion de l’equipa de Chechenia (per l’Organizacion Mondiala dels Fotbòls) :

Es oficial dempuèi lo 20 de mai de 2005, los fotbalaires Tchetchenas an tornamai una federacion. Lo sèti de Gròzni (en partida destrusit) estent actualament, e per çò que ne demòra, sota l’ocupacion, tant coma la famosa còla de Terek, vengut aisinia de propaganda de l’ocupant, lo fotbòl del pòble Chechena non èra mai a las mans d’aqueles darrièrs. Caliá donc tot remetre en plaça sus de basas sanas. Aquesta òbra foguèt entamenada i a un pauc mai d’un an per l’iniciativa de l’OMF (Observatòri Mondial dels Fotbòls) e mercé a Andi Guitchkaev qu’organizèt d’entrainaments setmanièrs sus un estadi de Cretelh, en Region Parisenca. Una equipa formada de bons jogaires venents de Chechenia èra alara en bastison amb ja per amira un rescontre contre...Tibet. Puèi los dirigeires e qualques jogaires (en transit a Paris) s’esparpalhèron un pauc d’en pertot en França ont devon tornar organizar tanben e subretot lor vida de cada jorn.

l’equipa nacionala de Chechenia

Mai sens pasmens renonciar a lor enveja de jogr al fotbòl sota las colors de la camiseta chechena. La Federacion Chechena de Fotbòl, que lo President es Andi Guitchkaev, es donc estada desplaçada en França, amb l’aval del Govern en exilh e depausat sota la forma juridica d’una Associacion Lei 1901, en Prefectura de Alps Maritims. Son nom, conformament a la legislacion francesa es enregistrada sota l’apelacion « Associacion Chechena de Fotbòl ». La Federacion Chechena de Fotbòl es venguda membre del NF-Board (www.nf-board.com) lo 11 de junh passat a Londres del temps de l’assemblada generala annala.

Lo sèti de la Federacion Chechena de Fotbòl es a : c/o 20, carrièra Amiral de Grasse a 06000 Niça Contacte : Andi Guitchkaev (+33) (0) 673 56 78 98, e-mail : chechen-football@mail.ru

Prètz de las plaças: 8€ e 3€ pels mens de 15 ans