Lundi 6 octobre 2003 11:57
Comunicat de premsa
Es amb un cèrt
scepticisme qu’aprovam las paraulas
del Jean-Jacques Aillagon,
ministre de la Cultura tocant
las lengas « regionalas
», publicadas dins lo jornal Le Petit Bleu d’Òlt e Garona del
6 d’octòbre passat.
Sul papièr, las proposicions del ministre pòdon pas que favorizar lo desvolopament de la lenga e de la cultura occitanas tanplan coma de las autras lengas « regionalas » de l’Estat francés.
Pr’aquò, cal que aquelas
paraulas de las bonas se concretizen sul plan legislatiu e budgetari sens esperar d’annadas perque la promocion de l’occitan
entraïna la creacion d’emplècs al país que n’a bravament besonh.
Caldriá tanben que los blocatges dins
las administracions d’Estat
e las collectivitats territorialas
que empachan o retardan
las mesuras en favor de las lengas
« regionalas » s’avaliguèsson
e que los fonccionaris
a totes los nivèls
que son a l’origina d’aqueles
blocatges foguèsson metuts en demòra pel ministre d’aplicar sa politica jos pena
de sanccions.
Partit Nacionalista Occitan
Seccion d'Agenés
10, carrièra de Romas
47000 AGEN
Tel. 05 53 47 64 02
Ret adreiça : jean-pierre.HILAIRE@wanadoo.fr