Comunicat de premsa

12/ 09 / 2005

La lenga occitana es l’indici sintetic de la nacion occitana. Dempuèi de sègles  e subretot dempuèi l’escòla del Jules Ferry, l’Estat francés a ensajat de la desrasigar e de descervelar los occitans per los i far creire que son franceses. A pas encara completament capitat dins aquela entrepresa de genocidi cultural.

Emai França foguèsse sòci de l’Union europenca qu’es per la diversitat lingüistica, a pas ratificat la Carta europenca de las lengas minoritarias nimai modificat l’article 2 de sa constitucion que impausa lo monolingüisme francés dins la Republica.

Es pas estonant que la plaça de l’occitan/ lenga d’òc siá magrinèla dins  los mèdias, la creacion, l’ensenhament e la vida publica.

Lo Partit de la Nacion Occitana apèla donc a manifestar per l’occitan a Carcassona lo 22 d’octòbre de 2005. Pasmens, l’aparament, la promocion e la socializacion de nòstra lenga passan subretot per una accion politica nacionalista occitana e dependan pas de la bona volontat de l’Estat, de las regions e dels partits politics francimands. Nos cal conquistar pro d’influéncia e de poder per menar una vertadièra politica lingüistica e tanben emancipar nòstre pòble.

Per lo PNO, lo vici-president Joan-Pèire Alari

 Lo 12 de septembre de2005

10 carrièra de Romas

470000 Agen

Tel. 05 53 47 64 02

Tel.et 06 76 47 32 12

jean-pierre.hilaire@wanadoo.fr

Menut