Comunicat de Prensa
Lo Partit de la Nacion Occitana denoncia l’abséncia de democracia dins l’Educacion Nacionala francesa. Lo Sindicat Occitan de l’Educacion aviá pas lo drech de se presentar a las eleccions professionalas jol pretèxt qu’es pas jutjat representatiu per l’administracion. Logicament, aviá apelat a boicotar las eleccions. Es de notar que la FSU, sindicat majoritari e jacobin que s’opausa a la descentralizacion de l’Educacion nacionala, manten sas posicions mas l’abstencion se refortís, çò que mòstra lo desinterés creissent dels ensenhaires.
Los aparaires d’un sistèma educatiu que marcha pas coma cal vòlon pas res cambiar e lor sola sansònha es totjorn mas de mejans.
Lo Partit de la Nacion Occitana pensa que cal sortir del sistèma estatal ipercentralizat de l’ora d’ara, sostengut per la FSU. Dins de regions occitanas amb un poder vertadièr, lo Conselh Regional deuriá aver mai de competéncias en matèria d’educacion sul plan material, pedagogic e dins la gestion del personal e l’Educacion nacionala deuriá èstre regionalizada.
Se vei pro clarament que l’estrategia d’entrisme d’unes occitanistas dins los sindicats exagonals de l’Educacion Nacionala a fach mèuca, que en defòra de bonas paraulas an pas res obtengut de significatiu. La sola solucion per eles es d’aderir al SOE, si que non se fan los complices dels nòstres enemics.
Lo 17 de decembre de 2005
Partit de la Nacion Occitana
Servici de la comunicacion
10 carrièra de Romas
47000 AGEN
05 53 47 64 02
06 76 47 32 12