Comunicat PNO 27 d’octòbre dal 2008
Sistema escolari en Piemont occitan
La posicion del Govèrn italian sus lhi contenguts de la reforma de l’escòla es que “Degun trucharè las pichotas escòlas de montanha, fòra que aquelas ambe menc de 50 escolars”.
Per Lido Riba, President de L’UNCEM Piemont (Union Comunitats de Montanha dal Piemont) lo resultat es que “Lhi a 41 escòlas de montanha ambe menc de 12 escolars, que serèn destinaas a despareisser !”.
Mercede Bresso, Presidènta de la Region Piemont e Gianna Pentenero, Assessora Regionala a l’instruccion, declaron elas que “Dins lo periòde brèu las escòlas de montanha serèn resparmiaa, mas après, ambe l’aplicacion del plan operatiu complèt, lhi aurè 180 Comunas piemontesas de montanha que perderen l’escòla maternala o elementara”
Al final, l’operacion portaré a la clausura de 220 escòlas de montanha sus las 260 que existon ara.
L’atac de la ministra Gelmini a l’escòla pùblica e, en particolar, a l’escòla de montanha es ben grèu. En aquest moment dificil per tota l’escòla italiana, mas sobretot per l’escòlas occitanas de las Valadas, chal far auvir nòstra vòutz, per defendre la cultura e la civiltat alpina.
Lo PNO sosten e encoratja la manifestacion dal 30 d'octòbre a Coni a 9 oras dal matin en Plaça Euròpa ambe cartèls en lenga nòstra e bandieras occitanas.
De mai, demanda a l’estat italian d’aplicar l’article 6 de la Constitucion italiana : " La Repùblica garantisse, per de mesuras especialas, las minoritats linguisticas" coma la lei dal 20 de novembre dal 1991 que precisa : " La Repùblica protegisse la lenga e la cultura d'origina Albanesa, Catalana, Allemanda, Greca, Eslava, e Tzigana coma las de lenga latina, francesa, franco-provençala e occitana " e coma la lei 482-99 reglant la tutela de las minoranças linguìsticas istòricas que : « Dona lo drech a las comunas de minorança linguìstica d’aplicar lo bilinguisme ».
En vertut d’aiçò, volem que las escòlas de las Comunitats de montanhas occitanas dal Piemont agon un ensenhament bilenga en lenga d’Òc tala coma aquesta lenga es ancara parlaa dins aquelas comunas. La mutualisacion de las fòrças, a travers una federacion de las comunitats occitanas dal Piemont, permetrà una gestion de proximitat abo de respòstas adaptaas al contexto alpin. (veire : http://www.p-n-o.org/federacion_comunitats_montanas_del_piemont.htm )
Autrament, considerarem aquela refòrma coma la mòrt de la lenga occitana mas tantben coma la fin de la vita de vilatge dins las comunas montanhòlas e l’accelerament de l’exòdi vers las vilas de la plana.
Comitat Partit de la Nacion Occitana dal Piemont occitan :
En cò de Sr./ Chez M. ANGHILANTE Peire
Borgata Foglienzano, 36
I-12 020 LA RÒCHA/ Roccabruna (CN)
Tel : 00 39 01 71 91 89 71
Partit de la Nacion Occitana, sèti nacional :
BP 44
30201 Banhòus de Ceze
Tel : 00 33 (0)4 66 82 71 94