Partit de la Nacion Occitana
Comunicat complet 26/10/2005
A Carcassona, lo pòple dels Païsses d’Òc a fach una demonstracion de sa fòrça
Aqueste dissabte a Carcassona, entra 10 000 e 12 000 personas vengudas de totes los caires dels Païsses d’Òc an fach veire que l’Occitània es sempre presenta ancuei dins la siu diversitat e a près consciéncia d’ela meteissa. De totas las edats, de totas las colors eran per concretisar l’idea d’Occitània que si viu e si partatja.
Totas e totes units dins nòstras diferenças de pensada, si retroberiam units dins aquest luec entorn de la lenga nòstra, per la lenga occitana. « Cu ten la lengo ten la clau » ensem avem trobat la clau, clau que fai nòstra nacion.
En créser dins lo nòstre trabalh, la fòrça del pantais a depassat nòstras esperàncias. Avem rendut lo pantais realitat, Occitània es reala. L’avem vista sota dels nòstres uelhs. E aquela idea nos a guidat dins una marcha ambé determinacion vers lo nòstre avenir.
Ce que ne’n resta ja es coma diria Joan Bodon, que lo dissabte 22 d’octòbre de 2005 serà marcat dins lo Libre dels grands jorns.
Resta tot de faire per Occitània, e aquò n’es un camin estrambordant. La libertat de crear nòstre projeit de societat e de far ce que volem del nòstre avenir. De grands moments asperan ancara lo pòple d’Òc.
Lo sens de l’istòria es ambé nosautres. L’emancipacion per la reconoisséncia oficiala de la nacion d’Òc si fai pauc a cada pauc. N’avem mai qu’un signe.
Avança rapidament de maniera concreta en Val d’Aran, ambé la negociacion del novel Estatut d’autonomia de Catalonha e de la Val d’Aran que si farà a Madrid dins los meses que venon. De mai los Juecs Olimpics d’ivern de Turin previstes dins lo Piemont occitan dels 10 als 26 de febrier de 2005 (seguits dels Juecs paralimpics d'ivern dels 10 als 19 de mars) seràn –l’esperam- un dels grands moments de visibilitat de l’Occitan dins lo monde.
Dins tot aquel vam, la Republica francesa resta en darrier dins las evolucions en favor de la lenga d’Òc. Mas sem aicì nombroses per butar a la ròda e far saltar los blocatges mentals que demòran ancuei dins l’Estat francés. Si tirem tots vai tombar.
Las eleccions de 2007 dèven pas èsser un moment de mai per las promessas electoralas. N’avem ja ausidas de promessas de totes los costats ambé la senèstra del temps de Miterrand o de la drecha ambé Chirac. Ges de paraulas, volem d’actes de reparacion juridica per la lenga d’Òc ! E aquò AVANT las eleccions, creirem que ce que veirem. Entre autres modificacion de l’article 2 de la Constitucion francesa, ratificacion de la Carta europea de las lengas regionalas o minoritàrias…
Mas devem pas tot esperar de l’estat providéncia. Devem tanben préner nòstre destin en mans. Avem besonh d’una administracion pròpria per garantir l’existença de nòstra nacion dins l’avenir e aver una reconoisséncia internacionala. Occitània es granda ara per arribar a l’edat de rason e avançar sus lo camin de l’independença. Sem aicì per i contribuïr.
Partit de la Nacion Occitana
Tel. 04 66 82 71 94
B.P. 44
30201 Banhòus-de-Cese