Peut-on être nationaliste sans être ethniste ? Le nationalisme et l’indépendantisme vont-ils de pair ? Répondre à ces questions permettra-t-il au PNO d’attirer une nouvelle génération de militants et de sortir de son état groupusculaire ?

Une chose est l’affirmation du principe selon lequel la langue est l’indice synthétique de la nation, une autre est l’application de ce principe sur le terrain. Les mouvements nationalistes en Europe occidentale, soit s’appuient sur le principe mais débordent de leur territoire linguistique actuel ou récent, c’est le cas du Pays Basque, ou ne fondent pas leur nationalisme sur la langue, c’est le cas de l’Ecosse. Dans l’Etat français, la plupart des mouvements politiques bretons confondent sciemment la Bretagne linguistique historique et la Bretagne du Duché. Certains parlent même de nation bi ethnique. Les mouvements corses légaux ou clandestins font de leur île une nation sans tenir compte du clivage linguistique entre le Nord et le Sud. En Occitanie, certains seraient même partisans de revendiquer Poitou-Charentes au motif que ces territoires ont été linguistiquement occitans jusqu’à la guerre de Cent ans.

Dans le cas du Pays Basque, nous sommes confrontés au problème de la revendication récurrente d’un département basque dont la capitale serait Bayonne. Pouvons-nous l’accepter par pragmatisme dans le cadre d’un accord électoral en Aquitaine pour les Elections régionales de 2004 ?

Depuis la parution du texte de Fontan sur la nation hébreue dans Lo Lugarn en 1979, le sanglant conflit israélo-arabe continue de nous interpeller. Sans cesser de penser que le nationalisme palestinien est un faux nationalisme, peut-on s’accommoder de la création d’un état palestinien avec Jérusalem est comme capitale et renoncer au Grand Israël si c’est le prix à payer pour la paix ou bien doit-on avec JL Veyrac prôner l’option jordanienne tout en sachant que nous ne sommes ni les décideurs ni les payeurs ?

Dans mon article de 1991 Etats Unis ou désunis ? Un pays à part je rappelais que Fontan prévoyait l’éclatement de ce pays et la formation d’états correspondant aux ethnies les plus importantes numériquement sur son territoire (La Clef p. 142 à 152)
Dix ans plus tard, malgré le choc terrible du 11 septembre 2001, les Etats Unis sont la seule

superpuissance du globe sur tous les plans et leur capacité d’attraction ne se dément pas si on en juge par le flot toujours croissant de ceux qui aspirent à en devenir citoyens. Aujourd’hui, même si le débat reste toujours vif là-bas entre tenants du multiculturalisme et du melting pot (creuset), ce dernier connaît un nouvel engouement. Je me demande s’il ne convient pas de considérer les Etats Unis comme une nation anglaise bis, certes très différente de la nation mère d’origine.

Pour battre en brèche les discours invariablement optimistes de certains d’entre nous depuis des années, force est de constater que, si une multitude de conflits dans le monde s’expliquent par des raisons ethniques (la Côte d’Ivoire en est l’exemple le plus récent, l’ethnisme en tant que méthode de résolution des conflits ethniques n’est pas à l’ordre du jour des Nations Unies malgré nos efforts.

Le terrorisme islamiste planétaire inspiré par Ben Laden et ses sicaires, prenant prétexte du problème palestinien et du désespoir des masses musulmanes soumises presque sans exception à des dictatures obscurantistes, menace les valeurs qui fondent notre civilisation et se trouve aux antipodes de l’ethnisme. Le nationalisme arabe est en pleine déconfiture et si le régime de Saddam Hussein tombe, ce qui ne nous fera pas verser la moindre larme, les Kurdes d’Irak, ils l’ont annoncé eux-mêmes, se contenteront de leur autonomie que les Turcs continueront de refuser à leurs frères de sang. Les nations sans état n’osent pas toujours, pour des raisons géostratégiques, revendiquer leur indépendance.

En Europe, les nations les plus avancées sur la voie de l’émancipation comme le Pays Basque et la Catalogne sont très loin de leur objectif d’indépendance dans l’Europe. Le gouvernement autonome basque est même en butte à une politique acharnée de criminalisation du nationalisme basque par le gouvernement espagnol. L’affaire ne se limite pas à l’interdiction de Batasuna, stupide en soi quoiqu’on puisse penser de leurs idées et de leurs méthodes, puisqu’il est même question de « suspendre » le statut d’autonomie du Pays Basque. Quant aux militants occitans qui viennent d’essuyer un échec patent aux élections législatives, ils doivent s’interroger sur la stratégie à suivre. Faut-il abandonner comme nous le conseillent certains le mot nationalisme, trop connoté extrême droite dans l’Etat français et qui demande un gros effort d’explication ? Faut-il même abandonner le terme occitan pour ne mécontenter ni les Gascons ni les Provençaux et le remplacer par oc ? Peut-on se revendiquer français comme dans l’Appel pour la justice linguistique ?

Que doit-on réclamer ? Un pouvoir régional, l’autonomie, l’indépendance dans l’Europe ou pas ?

Il dépend de nous d’apporter les réponses les plus claires possibles à ces questions. Si je les pose c’est que je m’interroge sans a priori sur le discours à tenir en public 40 ans après la première parution d’Ethnisme?

Jean-Pierre Hilaire,
Agen le 30 septembre 2002

- - -

“Sola la lenga a valor d’indici que permèt de determinar practicament quora e fins a ont i a nacion.” escriviá Francés Fontan a la pagina 15 de Etnisme, de cap a un nacionalisme umanista. I a lòc de tornar veire o de matissar aquela afirmacion a la debuta del sègle XXI sens escampar Fontan al bordilhièr de l’istòria ?

L’etnisme es de geometria cambiadissa, segon los trabalhs novèls dels lingüistas ? Òm pòt èsser nacionalista sens èsser etnista ? Lo nacionalisme e l’independentisme van cotria ? Respondre a aquelas questions permetrà al PNO d’atraire una novèla generacion de militants e de sortir de son estat gropusculari ?

Una causa es l’afirmacion del principi segon loqual la lenga es l’indici sintetic de la nacion, una autra es l’aplicacion d’aquel principi sul terren. En Euròpa ponentesa, los movements nacionalistas siá s’apiejan sul principi mas desbòrdan de lor territòri lingüistic de present o recent, es lo cas del País Basc, o fondan pas lor nacionalisme sus la lenga, es lo cas de l’Escòcia. Dins l’Estat francés, la màger part dels movements politics bretons confondon scientament la Bretanha lingüistica istòrica e la Bretanha del Ducat. D’unes parlan quitament de nacion bi-etnica. Los movement còrses legals o clandestins fan de lor iscla una nacion sens tener compte de la trencadura lingüistica entre l’ubac e l’adreit. En Occitània, d’unes serián quitament partidaris de reivindicar Peitau-Charentas perque aqueles territòris foguèron lingüisticament occitans duscas a la Guèrra de Cent Ans. Dins lo cas del País Basc nos acaram al problèma de la reivindicacion recurrenta d’un departament basc que sa capitala seriá Baiona. Ac podèm acceptar per pragmatisme dins l’encastre d’un acòrdi electoral en Aquitània per las Eleccions Regionalas de 2004 ?

Dempuèi la parucion del tèxte de Fontan sus la nacion ebrèa dins Lo Lugarn en 1979, lo conflicte sagnós israelo- arab contunha de nos acolitrar. Sens cessar de pensar que lo nacionalisme palestinian es un nacionalisme fals nos podèm acomodar de la creacion d’un estat palestinian amb Jerusalèm èst coma capitala e renonciar al Grand Israèl se aquò es lo prètz de pagar per la patz ? O ben devèm amb JL Veyrac recomandar l’opcion jordaniana en tot saber que sèm pas los decideires nimai los pagaires ?

Dins mon article de 1991 Etats Unis ou désunis ? Un pays à part rementavi que Fontan prevesiá l’espetadura d’aquel país e la formacion d’estats que correspondrián a las etnias majas numericament sus lor territòri ( La Clef p.142 a 152)

Dètz ans aprèp, malgrat lo burgatge terrible del 11 de setembre de 2001, los Estats Units son la sola superpoténcia del glòb a totes los nivèls e sa capacitat d’atraire lo monde se desmentís pas se ne jutjam per l’èrsa totjorn creissenta dels que aspiran a ne venir ciutadans. A l’ora d’ara emai lo debat demorèsse totjorn viu ailà entre los tenents del multiculturalisme e los tenents del melting pot (crusèl), lo darrièr citat afisca tornarmai lo monde. Me demandi se conven pas de considerar los Estats Units coma una nacion anglesa bis, cèrtas plan diferenta dela nacion maire d’origina.

Per brecar los discorses invariablament optimistas d’unes de nosautres dempuèi d’annadas, sèm forçats de constatar que totben que un fum de conflictes dins lo monde s’expliquen per de rasons etnicas (La Còsta d’Evòri n’es l’exemple mai recent) l’etnisme coma metòde de resolucion dels conflictes etnics es pas a l’òrdre del jorn de las Nacions Unidas malgrat nòstres esfòrces.

Lo terrorisme islamista planètari inspirat per Ben Laden e sos sicaris, prenent l’escusa del problèma palestinian e del desespèr de las molonadas musulmanas somesas gaireben sens excepcion a de dictaturas escurantistas, amenaça las valors que fondan nòstra civilizacion e se tròba als antipòdes de l’etnisme. Lo nacionalisme arab es en plena desconfida e se lo regim de Saddam Osein tomba, çò que nos farà pas tombar la mendra lagrema, los curds d’Iraq, o an anonciat eles meteisses, s’acontentaràn de lor autonomia que los turcs contunharàn de refusar a lors fraires de sang. Las nacions sens estat gausan pas totjorn, per de rasons geoestrategicas, reinvindicar lor independéncia.

En Euròpa, las nacions mai avançadas sul camin de l’emancipacion coma lo País Basc e Catalonha son plan alunhats de lor tòca d’independéncia dins Euròpa. Lo govèrn autonòm basc es quitament expausat a una politica acarnassida de criminalizacion del nacionalisme basc pel govèrn espanhòl. L’afar se limita pas a l’interdiccion de Batasuna, nècia de per se, qué que poguèssem pensar de lors idèas e de lors metòdes, ja que se parla tanben de “suspendre” l’estatut d’autonomia del País Basc.

Per quant als militants occitans que vènon de subir una revirada manifèsta a las eleccions legislativas, se devon pausar de questions sus l’estrategia de seguir. Cal abandonar coma o nos aconselhan d’unes lo mot nacionalisme, tròp connotat a l’extrèma dreita dins l’Estat francés e que demanda un esfòrç dels grands per èsser explicat ?

Cal abandonar tanben lo tèrme occitan per malcontentar pas los gascons nimai los provençals e lo remplaçar per òc. Nos podèm reivindicar franceses coma dins l’ Appel pour la justice linguistique ?
Qué devèm exigir ? Un poder regional, l’autonomia, l’independéncia dins Euròpa o pas ? Depend de nosautres de portar las responsas las mai claras possiblas a aquelas questions. Se las pausi es perque me demandi sens a priòri cossí devèm parlar al public 40 ans aprèp la primièra parucion d’Ethnisme?

Joan-Pèire Hilaire (Alari)
A Agen lo 30 de setembre de 2002

- - -
ME PAUSE DE QUESTIOUN

“La lengo souleto a valour d’endice pèr poudé decida praticamen quouro e fin-qu’ounte I’a nacioun”, escrivié Francés Fontan à la pajo 15 de Ethnisme, vers un nationalisme humaniste. Faudra-ti tourna veire o moudifica aquel afourtimen à la debuto dóu siècle XXI senso escampa Fontan I bourdiho de l’Istòri ?

L’etnisme es-ti evoulutiéu segound li recèrco nouvello di lenguisto ? Se pòu-ti èstre naciounalisto sènso èstre etnisto ? Lou naciounalisme s’aduno-ti emé l’independentisme Respondre à-n-aquésti questioun permetra-ti au PNO d’atraire uno generacioun nouvello de militant e de souti de soun estamen de couquet ?

Uno causo es d’afourti pèr principe que la lengo es l’endice sinteti de la nacioun, uno autro d’aplica aquest principe dins la vido vidanto. En Europo pounenteso li mouvemen naciounalisto siegue s’apielon subre lou principe mai trepasson soun territòri lenguisti de vuei o d’aièr (coume lou Païs Basco), siegue asseton pas soun naciuonalisme subre la lengo, coume l’Escosso. Dins l’Estat francés, la majo part di mouvemen pouliti bretoun à bèl esprès mèsclon la Bretagno lenguistico-istourico emé la Bretagno dóu Ducat. N’i’a memee que parlon de nacioun bi-etnico. Li mouvemen corse, siegon legau o clandestin, fan de soun isclo uno nacioun sènso teni comte de la trencaduro lenguistico entre l’adrech e l’uba. En Oucitanié n’I’a que sarien càsi lèst à reclama Peitau Charento amor qu’aquésti territòri fuguèron de lengo nostro fin-qu’à la Guerro de Cènt An. Au Païs Basco sian acara au proublemo de la demando countinuouso pèr un despartamen basco que sa capitalo sarié Baiouno: acò lou poudèn-ti aceita dins l’encastre d’un apountamen eleitourau en Aquitàni pèr lis eleicioun regiounalo de 2004 ? Desempièi la parucioun dóu tèste de Fontan subre la nacioun ebraïco dins Lou Lugar en 1979, la gurro saunouso entre lis Israelian e lis Aràbi apas decessa de nous arresouna. En countuniant de pensa que lou naciounalisme palestinen es un naciounalisme faus, se poudèn-ti faire emé la creaciuoun d’un Estat palestinen qu’aurié per capitalo Jersulén ourientalo, e renouncia lou Grand Israel s’es lou pres que fau paga pèr la pas ? O se devèn, coume J.L Veyrac, recoumanda la chausido jourdanenco en sachènt que sian pas li decidaire nimai li pagaire ?

Dins moun article de 1991 Etats Unis ou désunis ? Un pays à par fasiéu recourda que Fontan prevesié l’espetaduro d’aquest païs e la fourmacioun d’estat que s’endevendrien emé lis grandi etnìo de soun territòri (La Clef, pajo 142 a 152). Dès an après, en maudespié di terrìblis evenimen dóu 11 de setembre de 2001, lis Estat Uni soun la souleto subre-potènci dóu mounde dins tóuti li relarg, e sa capacita d’atraire li gènt noun demenis, se ne cresèn l’èrso sèmpre que mai creissènto di que n’en volon veni de ciéutadin. A l’ouro d’aro, emai i’ague encaro forço discutido entre li que volon lou multiculturalisme e li que volon lou melting pot (lou crusòu), es aqueste darrié qu’embelino lou mounde tournamai. Me demande se faudrié pas teni lis Estat Uni pèr uno nacioun angleso bis, de segur forço diferento de la nacioun maire dis ourigino.

Pèr countrasta li dicho sèmpre óutimisto que fan desepièi d’annado ùni d’entre nautre, sian fourça de coustata, emai tout un mouloun de counflit dins lou mounde s’esplicon pèr de resoun etnico (e la Costo d’Evòri n’es l’eisèmple mai recènt), que l’etnisme coume resoulucioun di counflit etni es pas a l’ordre dóu jour di Naciuon Unido en maudespié de nòstis esfors.

Lou terrourisme islamisto planetàri ispira pèr Bin Laden e si tuaire, souto l’escampo dóu proublemo palestinen e de la desesperanço di moulounado musulmano que soun càsi tóuti giblado souto de ditaturo escurantisto, aqueste terrourisme amenaço li valour que soun li cepoun de nosto civilisacioun e se devino lou rebous de l’etnisme. Lou naciounalisme aràbi es en desbrando e se toumbo lou regime de Saddam Hussein, qu’acò nous fara pas escampa de plour, li Kurde d’Iraq, l’an anouncia éli-meme, s’acountentaran d’uno autounoumìo que li Turqués countuniaran de refusa a si fraire de sang. Lis nacioun sènso estat, pèr de resoun geo-estrategico, auson pas toujour de demanda soun independènci.

En Europo, li naciuoun mai avançado subre lou camin de l’emancipacioun, coume lou Païs Basco e Catalougno, soun bèn lieun de sa toco d’independènci dins l’encastre éuropen. Lou gouvèr autounome basco es memamen espausa à-n-uno poulitico acarnassido de criminalisacioun dóu naciounalisme basco pèr lou gouvèr espagnòu.

L’afaire noun es limita à l’enebicioun, nèsci de pèr sa naturo, de Batasuna (que que pouguessian pensa de sis idèio e de si metodo): ja es questioun tambèn de derroumpre l’estatut d’autounomìo dóu Païs Basco.

Pèr ço qu’es di miltant óucitan que vènon de revessa is eleicioun legislativo, se devon pausa de questioun subre l’estrategìo qu’an de segui. Fau-ti abandouna, coume d’ùni nous lou counseioun, lou mot “naciounalisme”, qu’es trop marca à la drecho estremo dins l’Estat francés e que demando un esfors di grand pèr èstre esplica ?

Fau-ti tambèn abandouna lou tèrme “óucitan” pèr maucountenta pas li Gascoun nimai li Prouvençau, e lou remplaça pèr “o” ? Se poudèn-ti revendica “francés”, coume dins l’Appel pour la justice linguistique ?

Que devèn eisigi ? Un poudé regiuonau, l’autounoumìo, l’independènci en Europo o noun ? Es a nautre de semoundre li responso li mai claro poussiblo à-n-aquésti questioun. Se li pause, es perque me demande sènso à-priòri coume devèn parla davans tóuti, 40 an après la proumiero publicacioun d’Ethnisme?

Jouan-Pèire Hilaire (Alàri)
En Agen lou 30 de setèmbre de 2002

Lo Lugarn 80