Déclin et renouveau

Si on en juge par le nombre d’ouvrages récents qui lui sont consacrés, le thème du déclin de la France est à la mode. Et malgré les dénégations du premier ministre qui dénonce la méconnaissance du terrain des intellectuels parisiens de la France d’en haut, il faut reconnaître que le pays va mal. Le budget de l’État Léviathan atteint un déficit record, bien supérieur aux normes du Pacte de stabilité de l’Union européenne. Le chômage frise les 10% et touche particulièrement les jeunes. Le gouvernement actuel, dans sa peur panique de bloquer la société réforme à pas de sénateur et à la petite semaine. L’opposition parlementaire n’a pas de projet alternatif constructif et crédible, pas plus que la nébuleuse altermondialiste qui prétend donner le pouvoir à la rue. Certains craignent que la classe politique démonétisée ouvre un boulevard à Le Pen.
Bien sûr, les boucs émissaires sont vite trouvés : c’est la faute de la mondialisation ultralibérale, de l’Europe destructrice de souveraineté ou encore de l’immigration.
Paradoxalement, avec sa rhétorique de puissance de la France sur la scène internationale, notre président donne l’illusion qu’en bombant le torse face aux USA, en forgeant des alliances de circonstance avec un chancelier allemand décrié chez lui et des régimes aussi peu démocratiques que ceux de la Russie et de la Chine, il contribue à l’émergence d’un monde multipolaire. Mais pour ceux que les discours rendent sceptiques les faits sont têtus. La France est une puissance moyenne en déclin, qui n’a pas les moyens de ses ambitions. Dans son livre La France qui tombe, Nicolas Baverez, historien et économiste, remarque, entre autres choses, que la « décentralisation est restée embryonnaire »
Voilà selon nous le nœud du problème. L’État français est malade de son hypercentralisation qui l’empêche de fonctionner efficacement. Il ne suffit pas de sanctuariser la décentralisation en l’inscrivant dans la constitution. Il faut revoir l’organisation du territoire de fond en comble, non de manière technocratique, mais en tenant compte des réalités linguistiques, culturelles et historiques. Il existe deux niveaux d’administration : les préfets et les collectivités territoriales (régions et départements.
Le premier niveau est à supprimer car il n’est pas digne d’un pays démocratique et est sans exemple en Europe. La deuxième étape de la décentralisation engagée aujourd’hui et freinée par les corporatismes, notamment dans l’Éducation nationale, ne touche pas aux départements, ce qui conduit à des chevauchements de compétences et de financements et à l’augmentation des impôts locaux alors que le bon niveau d’administration c’est la région relayée par les « pays » et les communautés de commune. En raison de l’influence démesurée des forces jacobines et souverainistes, nous sommes très en retard en matière de pouvoir régional sur l’Espagne, l’Allemagne, l’Italie et maintenant la Grande Bretagne. En outre, la réforme antidémocratique du mode de scrutin aux prochaines élections régionales et le projet de découpage contre-nature pour les élections européennes montrent que les forces politiques dominantes veulent empêcher l’émergence d’un sang neuf notamment dans les régions occitanes.
C’est pourquoi il est capital que le nationalisme occitan et les autres forces occitanes soient présents au moins aux élections régionales de l’an prochain. C’est en bonne voie en Languedoc-Roussillon. Cela reste malheureusement hypothétique dans les autre régions.
Si nous faisons un score significatif, nous serons en mesure de peser au seul niveau qui vaille la peine pour nous. La région peut et doit avoir un politique linguistique, culturelle et économique hardie avec un impact sur le terrain. Nous n’avons rien ou pas grand chose à attendre d’une République qui n’a pas ratifié la Charte européenne, qui refuse d’intégrer dans l’Éducation nationale nos écoles par immersion, qui organise des Assises des Langues de France pour noyer le poisson et dont le président prône à l’étranger la diversité culturelle sans la promouvoir chez lui.
Pour l’Occitanie le renouveau ne viendra pas de la « France d’en haut » mais de la conquête du pouvoir régional par une force politique occitane indépendante des partis parisiens. Gagner ce pouvoir par les urnes dépendra de notre engagement et de notre capacité à convaincre. Encore faut-il commencer le combat !

Jean-Pierre Hilaire

Agen le 7 novembre 2003

Editorial

Decadéncia e novelum

Se ne jutjam pel nombre d’obratges recents que li son consagrats, lo tèma de la decadéncia de França es de mòda. E malgrat las denegacions del primièr ministre que denóncia la desconeissença del terren dels intellectuals parisencs de la França d’amont naut, cal reconéisser que lo país va mal. Lo budgèt de l’Estat Leviatan avera un deficit recòrd, plan superior a las nòrmas del Pacte d’estabilitat de l’Union europenca. Lo caumatge sarra los dètz del cent e toca particularament los joves. Lo govèrn actual, dins sa petega de blocar la societat, refòrma a passes pichons e d’un biais estrechon. L’oposicion parlamentaria a pas cap de projècte alternatiu constructiu e credible, nimai la nebulosa altermondialista que preten balhar lo poder a la carrièra. D’unes crentan que la classa politica desmonetizada duèrba un baloard a Le Pen. Plan segur los bocs emissaris son lèu trobats : s’apren a la mondializacion ultraliberala, a l’Euròpa destrúcia de sobeiranetat o encara a l’immigracion.
Paradoxalament, amb sa retorica de poténcia de França sus la scèna internacionala, nòstre president dona l’illusion qu’en tot conflar lo pitre fàcia als Estats Units, en fargar d’aliganças de circonstància amb un cancelièr alemand descridat en çò sieu e de regims tan pauc democratics coma los de Russia e de China, contribuís a l’emergéncia d’un monde multipolar. Mas pels que las dichas rendon sceptics los fachs son capborruts. França es una poténcia mejana en decadéncia, desprovesida dels mejans de sas ambicions. Dins son libre La França que cai, Nicolas Baverez, istorian e economista remarca , entre autras causas, que la « descentralizacion es demorada embrionària »
Vaquí a nòstre avejaire lo picar de la dalha. L’Estat francés es malaut de son ipercentralizacion que l’empacha de foncionar eficaçament. Sufís pas de sanctuarizar la descentralizacion en tot l’inscriure dins la constitucion. Cal tornar veire l’organizacion del territòri de cap en cima, non pas d’un biais tecnocratic, mas en téner compte de las realitats lingüisticas, culturalas e istoricas. I a dos nivèls d’administracion : los prefèctes e las collectivitats territorialas (regions e departaments)
Lo primièr nivèl es de suprimir que es pas digne d’un país democratic e es sens exemple en Euròpa. La segonda etapa de la descentralizacion engatjada uèi e frenada pels corporatismes, subretot dins l’Educacion nacionala, tòca pas als departaments, çò que mena a d’encavalcaduras de competéncias e de financiament e al creis dels impòsts locals mentre que lo bon nivèl d’administracion es la region remplaçada al nivèl mai bas pels « païses » e per las comunautats de comuna. Per l’encausa de l’influéncia demasiada de las fòrças jacobinas e sobeiranistas, sèm encara plan en retard en matèria de poder regional respècte a Espanha, Alemanha, Itàlia e ara Granda Bretanha. De mai, la refòrma antidemocratica del mòde d’escrutinh a las eleccions regionalas venentas e lo projècte de retalhament contra-natura per las eleccions europencas mòstran que las fòrças politicas senhorejantas vòlon empachar l’emergéncia d’una sang nòva mai que mai dins las regions occitanas.
Es per aquò qu’es caporal que lo nacionalisme occitan e las autras fòrças politicas occitanas sián presents al mens a las eleccions regionalas de l’an que ven.
Es en bon camin en Lengadòc-Rosselhon. Aquò demòra malastrosament ipotetic dins las autras regions. Se fasèm un percentatge significatiu, serem en situacion de pesar al sol nivèl que valga per nosautres. La region pòt e deu aver una politica lingüistica, culturala e economica gausaira amb un impacte sul terren. Avèm pas res o pas gran causa d’esperar d’una Republica que ratifiquèt pas la Carta europenca, que refusa d’integrar dins l’Educacion nacionala nòstras escòlas per immersion, que organiza d’Assisas de las Lengas de França per negar lo peis e que son president lausa a l’estrangièr la diversitat culturala sens la promòure en çò sieu. Per Occitània lo novelum vendrà pas de la « França d’amont naut » mas de la conquista del poder regional per una fòrça politica occitana independenta dels partits parisencs. Ganhar aquel poder per las urnas dependrà de nòstre engatjament e de nòstra capacitat de convéncer. Encara que cal començar la batèsta !

Joan-Pèire Alari, Agen lo 7 de novembre de 2003

EDITORIAL

Decadéncio e noubelun

Se ne jujan pel noumbre d'oubrages recents que li soun counsacrats, lou tèmo de la decadéncio de Franço es de modo. E malgrat las denegaciouns del primier ministre que denouncio la descouneissenço del terren dels intellectuals parisencs de la Franço d’amount naut, cal recouneisse que lou país ba mal. Lou budgèt de l’Estat Lebiatan abero un deficit recòrd, plan superiour a las normos del Pacte d’estabilitat de l’Unioun euroupenco. Lou caumage sarro lous dets del cent e toco mai que mai lous joubes. Lou goubèr actual, dins sa petego de bloucar la soucietat, reformo a passes pichouns e d’un biais estrechoun.. L’ouposicioun parlamentario a pas cap de proujecte alternatiu counstructiu e credible , nimai la nebulouso altermoundialisto que pretèn balhar lou pouder a la carrieiro. D’unes crenton que la classo poulitico desmounetisado duerbo un balouard a Le Pen. Plan segur, los bouques emissaris soun lèu troubats : s’apren a la moundialisacioun ultraliberalo, a l’Europo destrùcio de soubeirenitat ou encaro a l’immigracioun .

Paradouxalament , ambe sa retourico de poutèncio de Franço sus la cèno internaciounalo, nostre president douno l’illusioun qu’en tout couflar lou pitre fàcio als Estats Units, en farga d’aliganços de circounstàncio ambe un cancelier alemand descridat en ço sieu e de regimes tant pauc demoucratiques coumo lou de Russío ou de Chino, countribuís a l’emergencio d’un mounde multipoulari . Mas pels que las dichos rèndoun sceptiques lous faches soun capbourruts. Franço es uno poutèncio mejano en descadèncio, desproubesido dels mejans de sas ambiciouns . Dins soun libre « La Franço que cais », Nicolas Baverez, istourian e ecounoumisto, remarco, entre autros causos, que la « decentralisacioun es demourado embriounario » .Vaquí a nostre vejaire lou pica de la dalho. L’Estat francès es malaut de soun ipercentralisacioun que l’empacho de founciouna eficaçament. Sufis
pas de sanctuarisa la decentralisacioun en tout l’inscrire dins la counstitucioun. Cal tourna beire l’ourganisacioun del territori de cap en cimo , noun pas d’un biais tecnoucratic, mas en téne conte de las realitats lenguisticos, culturalos e istouricos. I a dous nibels d’administracioun : lous prefectes e las coulectivitats territourialos ( regiouns e despartaments).

Lou primié nibel es de suprimí qu’es pas dinne d’un país demoucratique e qu’es sens exemple en Europo. La segoundo estapo de la decentralisacioun engajado uèi e frenado pels courpouratismes, subretout dins l’Educacioun naciounalo, toco pas als departaments , ço que meno a d’encavalcaduros de coumpetèncios e de finançament e al creis de las taillos loucalos mentre que lou boun nivel d’administracioun es la regioun remplaçado,al nibel mai bas, pels « países » e per las coumunitats de coumunos. Per l’encauso de l’influèncio demasiado de las forços jacoubinos e soubeiranistos, sèn encaro plan en retard en matèrio de poudé regiounal respecte a Espagno, Alemagno, Italiò e ara Grando Bretagno. De mai, la reformo antidemoucratico del mode d’escrutin a las elecciouns regiounalos benentos e lou proujecte de retalhamen countro-naturo per las elecciouns euroupencos mostron que las forços pouliticos segnourejantos boloun empacha l’emergèncio d’uno sang nobo mai que mai dins las regiouns ouccitanos .

Es per acò qu’es capoural que lou naciounalismo ouccitan e las autros forços pouliticos ouccitanos sien presents al mens a las elecciouns regiounalos de l’an que be.

Es en boun camí en Lengadoc- Roussilloun . Acò demoro malastrousamen ipoutetique dins las autros regiouns. Se fasèn un percentage significatiu, serèn en situacioun de pesar al soul nibel que balgo per nousautres. La regioun pot e deu abé uno poulitico lenguistico culturalo e ecounoumico gausairo amb’un impacte sul terren.
Abèn pas res ou pas grand causo d’espera d’uno Republico que ratifiquet pas la Carto Euroupenco , que refuso d’integra dins l’Educacioun naciounalo nostros escolos per immersioun, qu’ourganiso d’ Assisos de las lengos de Franço per nega lou peis e que soun president lauso a l’estrangier la dibersitat culturalo sens la proumòure en ço sieu.
Per Ouccitanié lou noubelun bendra pas de la « Franço d’amount naut », mas de la counquisto del poudé regiounal per uno forço poulitico ouccitano independento dels partits parisencs . Gagna aquel poudé per las urnos dependra de nostre engajament e de nostro capacitat de counbènce . Encaro que cal coumençar la batesto !

Jouan Peire Alari, Agen lou 7 nouvembre de 2003