Lo PNO a practicat l’union de las fòrças occitanas a las regionalas en Lengadòc- Rossilhon. E seria estach normal de continuar aquela union per las Europèas.
Sèm estaches decebuts d’apréner que lo PÒc de son sicap a causit una aligança abé los Verds.
Sostenem e sèm per intrar dins RPS mas non sostenem l’aligança abé de partits francimands que si trufan de la question de las minoritats nacionalas d’Euròpa. Non reconoisson l’existença d’una nacion occitana, ni catalana, ni basca...

Pichin remembre, per las europèas del 1994 que se passavan ab una sola lista autonomista per tot l'Estat francés menaa per Max Simeoni... Lo PNO avia organizat un comitat de sosten que fuguèt refusat per lo PÒc. Lo PNO sostenguèt pasmens la candidatura de Max Simeoni de’n fòra.
Lo PNO non foguèt conviat a la creacion de RPS que se’n seguissèt, pasmens escriguèt per demandar la siu adesion. Avèm jamai agut de respònsa. En realitat la direccion del POc èra opausaa a la presença del PNO, disent que non poia i aver mai d'una organizacion per nacionalitat.
Despui al nivèl europèu, RPS es devengüa membra de l’Aligança Liura Europèa- Partit Democratic dels Pòples d’Euròpa (ALE-PDPE). Acceptèron d'organizacions que fasian doble emplec a condicion d’èsser acceptaa per l'organizacion primiera : en Catalonha (Unitat Catalana e, Esquerra Republicana de Catalunya), Savòia (Mouvement Région Savoie e, Ligue Savoisienne) o ancara en Euskadi (Eusko Alkartasuna e, Partit Nacionalista Basc)...
Coma la direccion del PÒc a jamai volgut de nòstra presença en RPS, non avèm poscut i intrar. Perqué aquel ostracisme ?
Per lo PNO, las pòrtas son dubertas.

Sit del PNO <http://www.membres.lycos.fr/adralhar>

Comitat regional del PNO Niçard.